الصلوات اليوميّة
صلاة الشكر - يا يسوع اللي بتحبني كتير
باسم الآب والابن والروح القدس الاله الواحد آمين
- لأنك مصدر فرحي - بشكرك يا رب
- لأنك ما بترفضلي طلب - بشكرك يا رب
- لأنك هلقد حنون - بشكرك يا رب
- لأنك ما بتتركني بيأسي - بشكرك يا رب
- لأنك بتحكيني بإنجيلك كل يوم - بشكرك يا رب
- لأنك بتحققلي ذاتي - بشكرك يا رب
- لأنك طريقي وهدفي - بشكرك يا رب
- لأنك الدوا لأوجاعي - بشكرك يا رب
- لأنك جواب تساؤلاتي - بشكرك يا رب
- لأنك ملتزم فيي حتى النهاية - بشكرك يا رب
- لأنك أفضل صديق - بشكرك يا رب
- لأنك بتعطيني السلام الداخلي - بشكرك يا رب
- لأنك بتصغيلي بكل أحوالي - بشكرك يا رب
- لأنك هلقد بتحبني - بشكرك يا رب
- لأنك بتقبلني متل ما انا - بشكرك يا رب
- لأنك طمأنينة قلبي - بشكرك يا رب
- لأنك المعنى لحياتي - بشكرك يا رب
- لأنك بتوفي بوعدك - بشكرك يا رب
- لأنك بتزعل لزعلي - بشكرك يا رب
- لأنك بتفرح لفرحي - بشكرك يا رب
- لأنك اخترتني لإشهدلك - بشكرك يا رب
- لأنو معك بحقق أحلامي - بشكرك يا رب
- لأنو معك بقدر أغفر وسامح - بشكرك يا رب
- لأنو معك بقدر أعطي بدون مقابل - بشكرك يا رب
- على حبك غير المحدود - بشكرك يا رب
- على حبك غير المشروط - بشكرك يا رب
- على رحمتك اللامتناهية - بشكرك يا رب
- على جسدك ودمك غذاء حياتي - بشكرك يا رب
- على سر التوبة اللي بيجددني - بشكرك يا رب
- على بنوتي إلك بالمعموديّة - بشكرك يا رب
- على "مريم" اللي بتقودني لعندك - بشكرك يا رب
- على كل قديس علمني حبّك - بشكرك يا رب
- على كنيستك الـلي بتقدسني - بشكرك يا رب
بشكرك يا بيي الـ بالسما، لأنك خلقتني
بشكرك يا ابن الله ربي يسوع، لأنك افتديتني
بشكرك يا روح الله القدوس، لأنّك بتصلّي فيّي
قدام حبك اللامحدود بسجد وبشكرك يا رب
يا يسوع الـلّي بتحبني كتير، علّمني كيف متلك حب (10 مرّات)
يا مريم إمي، دلّيني ع درب الرب
المجد للآب والإبن والروح القدس،
كما كان في البدء والآن وعلى الدوام وإلى دهر الداهرين آمين.