القراءات اليوميّة

قالَ الرَبُّ يَسوع: «أَلحَقَّ ٱلحَقَّ أَقُولُ لَكُم: مَنْ لا يَدْخُلُ حَظيرَةَ الخِرَافِ مِنْ بَابِهَا، بَلْ يَتَسَلَّقُ مِنْ مَوْضِعٍ آخَر، فَهُوَ لِصٌّ وسَارِق.
أَمَّا مَنْ يَدْخُلُ مِنَ البَابِ فَهُوَ رَاعِي الخِرَاف.
لَهُ يَفْتَحُ البَوَّاب، وَالخِرَافُ تَسْمَعُ صَوْتَهُ، فَيَدْعُو خِرَافَهُ بِأَسْمَائِهَا ويُخْرِجُهَا.
وعِنْدَمَا يُخْرِجُ كُلَّ خِرَافِهِ، يَسيرُ قُدَّامَهَا، والخِرَافُ تَتْبَعُهُ، لأَنَّهَا تَعْرِفُ صَوْتَهُ.
أَمَّا الغَرِيبُ فَلَنْ تَتْبَعَهُ بَلْ تَهْرُبُ مِنْهُ، لأَنَّهَا لا تَعْرِفُ صَوْتَ الغُرَبَاء».
قَالَ لَهُم يَسُوعُ هذَا المَثَل، فَلَمْ يَفْهَمُوا مَا كَانَ يُكَلِّمُهُم بِهِ.

يا إِخوَتِي، ذُرْوَةُ الكَلامِ في هذَا المَوْضُوع، هُوَ أَنَّ لَنا عَظِيمَ أَحْبَارٍ مِثْلَ هذَا، قَد جَلَسَ عَنْ يَمِينِ عَرْشِ الجَلالَةِ في السَّمَاوَات.
وصارَ خَادِمًا للأَقْدَاسِ والمَسْكِنِ الحَقِيقِيّ، الَّذي نَصَبَهُ الرَّبُّ لا الإِنْسَان.
فإِنَّ كُلَّ عَظِيمِ أَحْبَارٍ يُقَامُ لِيُقَرِّبَ تَقَادِمَ وذَبَائِح. لِذلِكَ فَمِنَ الضَّرُورِيِّ أَنْ يَكُونَ لِعَظِيمِ أَحْبَارِنَا، هُوَ أَيْضًا، شَيءٌ يُقَرِّبُهُ.
فَلَو كَانَ عَظِيمُ أَحْبَارِنَا على هذِهِ الأَرْض، لَمَا كَانَ حَتَّى كاهِنًا، لأَنَّ هُنَاكَ كَهَنَةً يُقَرِّبُونَ التَّقَادِمَ وَفْقًا لِلشَّرِيعَة.
وهؤُلاءِ إِنَّمَا يَخْدُمُونَ صُورَةً وظِلاًّ لِمَا في السَّمَاوَات، كَمَا أُوحِيَ إِلى مُوسَى، حينَ هَمَّ أَنْ يُنْشِئَ المَسْكِن، فقِيلَ لَهُ: « أُنْظُر، وٱصْنَعْ كُلَّ شَيءٍ على الْمِثَالِ الَّذي أَنَا أُرِيكَ إِيَّاهُ في الجَبَل».
أَمَّا الآن، فإِنَّ عَظِيمَ أَحْبَارِنَا قَد حَصَلَ على خِدْمَةٍ أَسْمَى، بِمِقْدَارِ مَا هُو وَسِيطٌ لِعَهْدٍ أَفْضَل، مُؤَسَّسٍ على وُعُودٍ أَفْضَل.

وُلدت في مدينة برجا من بمفيلية، في أواسط القرن الخامس، من أسرة مسيحية غنية، فربيت على العبادة والفضيلة. اقترنت برجل شريف، فرزقا إبنةً وحيدة. ثم ذهبت مع زوجها إلى مدينة القسطنطينية حيث كانت تتردّد، دائماً إلى الكنائس والمعابد، منعكفة على الصلاة والتأمل. وبعد وفاة زوجها، زهدت بالدنيا والعالم، وبقيت عاكفة على العبادة والتقشف حتى وفاتها سنة ٥٧٠.

من بعد وقت طويل من الزمن، بيلتقو أصحاب تنَين، واحد كان صار غني كبير، والتاني كان بعدو معتّر فقير. ومن بعد ما التقيو وأكلو سوا، ورجّعو ذكريات الماضي البعيد، بيغفى الفقير من بعد هالوجبه الطيبه اللي صرلو زمان مش دايق متلها، واللي قدّملو إياها صاحبو.
وع شوفة رفيقو المسكين النايم حدّو، بيشيل الغني من جيبتو حجر كريم، وبيحطّو بجيبة جاكيت صاحبو وبيقوم وبيمشي. بس لمّا بيفيق الفقير، ما بيمدّ إيدو ع جيبتو لأنو متعوّد عليها فاضيه. وهيك كمّل حياتو فقير، ولكن الظروف بعد سنه رجعت جمعت هالصديقَين. والغني ع شوفة رفيقو بعدو فقير، تعجّب وسألو:
- خبّرني دخلك، ما لقيت الكنز اللي حطّيتلّك إيّاه بجيبتك السنه الماضيه؟
- وعم قول أنا!! جاوب الفقير. كنت حسّ جيبتي تقيلي غير عن عادتها. بس مِن يأسي بالحياة ما كنت إتجرّأ مدّ إيدي تَ شوف شو فيها، من خوفي إنّو يخيب أملي.

الزوّاده بتقلّي وبتقلّك،

كل لقاء بين أشخاص هو خبره من هالنوع. كل إنسان عايش معنا بيهدينا كنوز ثمينه جدًّا. ولكن أكثرية الأوقات، ما مننتبهلها ولا منعطيها القيمه اللي بتستحقّها.
يا ريتنا اليوم منختبر بكل شخص رح نلتقي فيه كنز كبير عم يغنينا وعم يحلّيلنا حياتنا.
الانفتاح على الآخر
متصوّف كبير، مشهور بكل العالم بقداستو، كان ساكن بأحد الكهوف ومتفرّغ للصّلا والتأمّل والعباده. وبهونيك نهار، لمّا كان صاحبنا عم يتأمّل، ضهر فار زغير من بيتو، وقرّب من الرجّال، وع الجوع صار ياكلّو الصندال. فتح الحبيس عيونو، ومن كتر ما عصّب قال للفار:
- ليش عم تزعجني بوقت صلاتي؟
- بس أنا جوعان، جاوب الفار بحسره.
- فلّ من هون ت شوف، صرّخ بوجّو الرجّال، كيف بتتجرّأ وبتقاطعني بالوقت اللي عم عيش الوحده مع ألله والإتّحاد فيه؟؟
- دخلك، جاوب الفار، كيف فيك تِتّحد بألله إذا كنت مش قادر تكون متسامح مع مخلوقاتو؟؟
الزوّاده بتقلّي وبتقلّك،
بتقلّي وبتقلّك، الصلا شي مهمّ. ولكن بتضلّ ناقصه إذا ما بتفتحلي حياتي ع إخوتي البشر.
حلو إنّو إقعد بالكنيسه ساعتين تلاتي، وقدّس كل يوم، بس الأحلى إنّو من بعد ما إضهر من الكنيسه، أعرف شعّ النور والفرح حولي لكل الناس، إستقبل وحيّي الكل ببسمه حلوه سماويّه.
يا ريتنا منبلّش اليوم نستفيد من هالزوّاده.

لما بتحس انك مش قادر توقف على اجريك، جرّب الركوع